Soya Cutlet

కొవ్వు పదార్ధాలు చాలా తక్కువగా,పోషక విలువలు ఎక్కువగా ఉండే రుచికరమైన

సోయా కట్లెట్ తయారి ఈ రోజుచూద్దాం..

కావలసినవి:

• సోయా గుళికలు-50 గ్రాములు
• బీన్స్-100 గ్రా.
• ఉడికించిన బంగాళా దుంపలు-50 గ్రా.
• తురిమిన క్యారెట్-50 గ్రా.
• తరిగిన క్యాబేజీ-50 గ్రా.
• ఉల్లిపాయలు-50 గ్రా.
• పసుపు-పావ్ స్పూన్
• ఎండుమిర్చి కారం-అర స్పూన్
• అల్లం వెల్లుల్లి పేస్ట్-అర స్పూన్
• ఉప్పు-తగినంత
• నూనె-2 స్పూన్లు
• కొత్తిమీర -తగినంత
• గుడ్డు-ఒకటి
• గోధుమ పిండి-చల్లడానికి సరిపడా

తయారుచేయు విధానం:

• అరకప్పు నీళ్ళల్లో రుచికి సరిపడా ఉప్పు వేసి మరిగించాలి.
• అందులో సోయా గుళికలు వేసి పది నిమిషాలు ఉడికించి దించాలి.
• నాన్ స్టిక్ పాన్లో ఒక స్పూన్ నూనె వేసి,ఉల్లిపాయ ముక్కలు వేఇంచాలి.
• ఇవి గోధుమ రంగులోకి వచ్చాక పసుపు,అల్లం వెల్లుల్లి ముద్దా,కారం,ఉప్పు వేసి వేఇంచాలి.
• తరువాత సన్నగా తరిగిన బీన్స్,క్యారెట్,క్యాబేజీ,కొత్తిమీర వేసి నీళ్లు పోసి మెత్తగా ఉడికించాలి.
• అందులో సోయా గుళికలు,మెత్తగా చేసిన బంగాళా దుంపలు వేసి గట్టిపడే వరకు ఉడికించాలి.
• ఇది చల్లారిన తరువాత చిన్న ఉండలుగా చేయాలి.
• వీటిని గిలకొట్టిన గుడ్డులో ముంచి గోధుమ పిండిలో అద్ది తరువాత చేతితి వొత్తాలి.
• తరువాత పెనం వేడి చేసి నూనె పోసి,కట్లెట్ రెండు వైపులా ఎర్రగా కాల్చాలి.

దీనిలో ఆరోగ్యానికి మేలు చేసే ప్రోటీన్లు,పీచు పదార్ధాలు,విటమిన్లు పుష్కలంగా ఉంటాయ్..